Rusiye Qırım köpründe patlavdan evel Ukrayinağa büyük miqdarda ava darbelerini endirmege qararlaştırdı. Bunı CNN televizion kanalına Beyaz Evniñ Milliy telükesizlik şurasınıñ spikeri John Kirby bildirdi.
"İhtimal ki, bu, olarnıñ tarafından çoqtan planlaştırılğan bir şey edi. Amma bu, Qırım köprbnde yüz brgen patlavnıñ olarnıñ bazı planlarını tezleştire bilecegini istisna etmey", - dedi o.
Onıñ sözlerine köre, böyle büyük miqdarda ücümler bir qaç kün içinde planlaştırıla bilmez edi.
Aynı zamanda Kirby Rusiye prezidenti Vladimir Putinniñ kesen-kes uruş meydanında yutquzuv strategiyasından vatandaşlarnıñ maneviy ruhunı bozmaq ve ukrayin şeerleri ve infraterkibine viran etici zarar ketirmek kapmaniyasına keçip-keçmegenini aytıp olamadı.
Oktâbrniñ 10-nda saba Rusiye ordusı Ukrayinağa bir çoq yerden ateş açtı. Ukrayina Silâlı quvetleri 43 raketa tüşürildi ve Rusiye Ukrayinağa qarşı 83 raketanı qullandı, dep bildirdi. Ukrayina arbiyleri 12 Shahed-136 İran uçucısızını tüşürdi.
Ukrayina prezidenti Volodımır Zelenskıynıñ aytqanına köre, Rusiye ordusınıñ eki nişanı bar – memleketniñ energetik obyektleri ve insanlar. Ukrayına baş naziri Denis Şmığal bildirgenine köre, Rusiyeniñ ücümleri neticesinde 8 regionda ve Kıyivde 11 «müim infrastruktura obyekti» zarar kördi.
Rusiye prezidenti Vladimir Putin Ukrayinağa, hususan energetika obyektlerine ücüm etilgenini tasdıqladı. O, «Rusiye topraqlarında terakt ıntıluvları» devam etse, yañı ücümlernen qorquza.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
