Belli ukrain yazıcıları ve jurnalistleri #SolidarityWords kampaniyası çerçivesinde 13 Qırımlı siyasiy mabüsniñ elçisi olıp, dünyağa olarnıñ ikâyelerini aytıp berecekler. Bunıñ aqqında dekabrniñ 10-nda saat 14:00-de Kyivde Ukraina buhran media merkezinde #SolidarityWords müellif-vekillerniñ Kremlniñ ukrainalı mabüslerine destek programmasına bağışlanğan matbuat konferentsiyası vaqtında bildirdiler.
Haber etilgeni kibi siyasiy mabüslerniñ elçileri Viktoriya Amelina, Miroslava Barçuk, Ölga Gerasimyük, Larisa Denisenko, İrena Karpa, Andrey Kurkov, Yuriy Makarov, Miroslav Marinoviç, Vitaliy Portnikov, İrina Slavinskaya, Ostap Slivinskiy, Maryana Savka ve İrina Tsilık olğan.
Olar apist etilgen qırımtatar vatandaş jurnalistleri Osman Arifmemetov, Marlen (Suleyman) Asanov, Asan Ahtemov, Remzi Bekirov, Timur İbragimov, Server Mustafayev, Seyran Saliyev, Amet Suleymanov, Ruslan Suleymanov ve Rustem Şeyhaliyevniñ, jurnalist Aleksey Bessarabov, Vladislava Yesipenko ve qırımtatar faali ve siyasetçisi Nariman Celâlnıñ deytegine çıqıştı bulunacaqlar.
Dekabrniñ 1-nde Ukraina PEN klubı ve ZMINA İnsan aqları merkezi meşur ukrain yazıcıları ve jurnalistleri ile beraber #SolidarityWords müellif-vekillerniñ Kremlniñ ukrainalı mabüslerine destek programmasını başlattı.
