Rusiyeniñ Belgorod vilâyetiniñ valisi Vâçeslav Gladkov Lavı köyündeki sanatoriyge pilotsız uçaqlar ile ücüm etilgeni aqqında bildirdi. Bunıñ neticesinde üç insan elâk olğan.
O, pilotsız uçaq patlayıcı maddeni sanatoriy üzerine insanlar tışarıda olğanda taşlağanını qayd etti.
"Eki erkek birden öldi. Daa birini ekimler qurtarmağa tırıştı, amma qurtaramadı", - dep yazdı o.
Onıñ sözlerine köre, bu tekrar ücüm edi eken: bundan bir qaç saat evel pilotsız uçaq eki mayın atqan. Bunıñ neticesinde sanatoriy binasınıñ camları sınğan ve binanıñ ög tarafı zarar körgen.
Gladkovnıñ bildirüvini mustaqil menbalardan teşkermek imkânsızdır. Vali ücümde ukrayin arbiylerni qabaatladı. Ukrayina tarafı vaziyetni izaatlamay
Ukrayina ile sıñırdaş olğan Rusiyeniñ Belgorod, Brânsk ve Kursk vilâyetleriniñ reberligi muntazam ücümler aqqında bildire. Ücümlerde olar Ukrayina ordusını qabaatlay. Ukrayina reberligi bu bildirüvlerni izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
