Rusiyeniñ Belgorod şeerinde Ukrayını uçucısızınıñ ücümi neticesinde şeer yolbaşçılığınıñ binası zarar kördi. Region valisi Vâçeslav Gladkovnıñ aytqanına köre, eki insan yaralandı.
Gladkov yazğanına köre, uçucısız Belgorodda tükân divarına çarptı. Onıñ aytqanına köre, yaralanğanlar yoq. Binada patlav neticesinde camlar qırıldı ve fasad zarar kördi, dört yengil maşina da zarar kördi.
Patlavlardan soñ demiryol vokzalı civarlarında vokzal soqağı qapatıldı, dep haber ete yerli kütleviy haber vastaları. Yaralanğanlar aqqında haber etilmey.
Sabadan berli uçucısızlar şeerge ara-sıra ücüm ete. Ukrayına sıñırında yerleşken regionda Kyiv tarafında cenkleşken Rusiye göñülli bölüklerinen uruşlar oldı.
Bölük vekilleri sıñırdan keçip, Rusiyede qalğanlarını bildire. Rusiye akimiyeti ve arbiyleri bunı inkâr ete.
Geceden berli Rusiyeniñ on regionı uçucısızlarnıñ ücümine oğradı. Saba Belgorod vilâyetinde raketalar urıp tüşürildi, dep bildire Rusiye Mudafaa nazirligi. Rusiye akimiyetiniñ malümatını mustaqil menbalar tasdıqlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
