Ukrayına sıñırından bir qaç on kilometrde yerleşken Rusiyeniñ Belgorod şeeri fevralniñ 15-nde kündüz raketa darbesine oğradı. Region valisi Vâçeslav Gladkov bildirgenine köre, beş insan elâk oldı, bir bala can berdi.
Rusiye Mudafaa nazirligi bildirgenine köre, Belgorod vilâyetinde Vampire toplu ateş reaktiv sistemasından Ukrayına arbiyleri uçurğan 14 raketa tüşürildi.
İçtimaiy ağlarda ateşke oğrağan şeerniñ cenübiy qısmındaki alış-veriş merkezi binasınıñ foto ve videoları tarqatıla. Videoda raketa tüşken yer ya da parçalarınıñ «Magnit» tükânı yerleşken binağa tüşkeni ve ateşten soñ ilk daqqalar bar.
Raketa ya da parçalarınıñ mektep azbarına tüşkeni aqqında da haber etile. Yerli saifelerde raketa parçalarınıñ da fotoresimleri bar, şeer sakinleri olarnı şeerniñ çeşit rayonlarında çıqara.
Akimiyet ateşten evel raketa telükesi aqqında ilân etken edi. Ukrayına arbiyleri Belgorodqa qarşı darbeni izaatlamadı.
Muarririyet malümatnı teşkerip olamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
