Bugünden başlap Belgorod vilâyetiniñ akimiyeti Şebekinskiy ve Grayvoronskiy okruglarından balalarnı tahliye etip başlaycaq, dep bildirdi vali Vâçeslav Gladkov.
İlk üç yüz insan Voronejge yollanacaq. Çarşenbe sabası Gladkov Şebekinoğa ateş açıldı, dep bildirdi. Onıñ aytqanına köre, dört kişi yaralandı, eki insan hastahanege alındı. Bir qaç bina da zarar kördi.
Gladkovnıñ aytqanına köre, Şebekinskiy şeer okrugından tahliye etilgen sakinlerniñ vaqtınca yerleşüv noqtasına açılğan ateş neticesinde bir kişi elâk oldı, eki kişi yaralandı.
Ukrayınanen bir sıñırı olğan Belgorod, Brânsk ve Kursk vilâyetleri muntazam sürette ateşke oğray. Rusiye akimiyeti Ukrayına Silâlı quvetlerini qabaatlay. Ukrayına tarafı atışlarnı izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
