Onıñ aytqanına köre, Belgorod ve Belgorod rayonında «ava mudafaa sisteması çalıştı, sekiz nişan şeerge yaqınlaşqanda urıp tüşürildi».
«İlk malümatqa köre, yengil maşinağa darbe neticesinde aydavcısı can berdi. Acele yardımğa eki yaralanğan qadın ve bir erkek aqqında haber etildi. Acele yardım maşinaları adise yerine yol aldı. Belgorod şeerinde eki mustaqil evde ev ve bir sağlıq müessisesi zarar kördi – binanıñ damı ve beşinci ve altıncı qatları zarar kördi», – dep yazdı Gladkov Telegram kanalında.
Soñki bir qaç ayda Belgorod vilâyetinden ateş aqqında haberler kele, Rusiye akimiyeti Ukrayınanı qabaatlay. Bu yerden Rusiye ordusı eki yıldan berli Harkiv ve Harkiv vilâyetine ateş aça. Böyle ücümlerden biri martnıñ 14-nde gece oldı, yerli akimiyet vekilleri elâk olğanlar yoq, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
