«Halq imayesi» vekilleri Meclis binasında asılı turğan ukrain bayrağını üzüp taşladılar.
Bunı Qırım.Aqiqatqa qırımtatar halqı lideri, Ukraina halq deputatı Mustafa Cemilev bildirdi.
«Şimdi maña telefon açıp, Meclis binasındaki ukrain bayrağını halq imayesi vekilleri alıp taşlağanını haber ettiler. Şimdi bina yanında qırımtatarlar toplaşalar, - dedi Cemilev. – Anda bulunğan eki qadınnıñ qollarını ağırttırdılar».
Bu malümatnı Meclisniñ matbuat kâtibi Lilâ Müslimova tasdiqladı.
Aytqanına köre, «halq imayesi» vekilleri ukrain bayrağınıñ yerine Qırım bayrağını tiklemek içün binağa kirdiler.
Nevbetçi Zodiye Saliyeva, Lilâ Müslimova ve «Qırım» Fondu» baş muhasebecisi Marlena Seytasanovağa qarşı küç qullanıldı.
«Halq imayesi» temsilcileri qırımtatarlarnı qorquzmağa tırıştılar. «Küfürden başlap, «sizni Özbekistanğa yollarıq ve apiske taşlarıq» kibi sögünç sözlernen aqaretlediler, – dedi Müslimova.
Şimdi Meclis azaları binadan Qırım bayrağını alıp taşladılar, onıñ yerine ise qırımtatar milliy bayrağını astılar. Vaqia yerine uquq qoruyıcılarını çağırdılar, lâkin olar alâ daa kelmediler.
Qayd etmeli ki, qırımtatar halqınıñ lideri ve Ukraina halq deputatı Mustafa Cemilev Qırımğa qaytqan soñ, Meclis binasında Ukraina devlet bayrağı kene de tiklenildi.
Bunı Qırım.Aqiqatqa qırımtatar halqı lideri, Ukraina halq deputatı Mustafa Cemilev bildirdi.
«Şimdi maña telefon açıp, Meclis binasındaki ukrain bayrağını halq imayesi vekilleri alıp taşlağanını haber ettiler. Şimdi bina yanında qırımtatarlar toplaşalar, - dedi Cemilev. – Anda bulunğan eki qadınnıñ qollarını ağırttırdılar».
Bu malümatnı Meclisniñ matbuat kâtibi Lilâ Müslimova tasdiqladı.
Aytqanına köre, «halq imayesi» vekilleri ukrain bayrağınıñ yerine Qırım bayrağını tiklemek içün binağa kirdiler.
Nevbetçi Zodiye Saliyeva, Lilâ Müslimova ve «Qırım» Fondu» baş muhasebecisi Marlena Seytasanovağa qarşı küç qullanıldı.
«Halq imayesi» temsilcileri qırımtatarlarnı qorquzmağa tırıştılar. «Küfürden başlap, «sizni Özbekistanğa yollarıq ve apiske taşlarıq» kibi sögünç sözlernen aqaretlediler, – dedi Müslimova.
Şimdi Meclis azaları binadan Qırım bayrağını alıp taşladılar, onıñ yerine ise qırımtatar milliy bayrağını astılar. Vaqia yerine uquq qoruyıcılarını çağırdılar, lâkin olar alâ daa kelmediler.
Qayd etmeli ki, qırımtatar halqınıñ lideri ve Ukraina halq deputatı Mustafa Cemilev Qırımğa qaytqan soñ, Meclis binasında Ukraina devlet bayrağı kene de tiklenildi.
