Cuma künü Minskniñ Lenino rayon mahkemesi belarusli uquq qoruyıcı, "Vesna" merkeziniñ reisi, Nobel sulh mukâfatı laureatı Ales Belâtskiyni 10 yıl apis cezasına mahküm etti. Bunı Azatlıq Radiosınıñ Belarus hızmeti haber ete.
Belâtskiy ile berebar onıñ "Vesna" uquq qoruyıcı teşkilâtından olğan işdeşleri mahkeme etildi. Valentin Stefanoviç 9 yıl, Vladimir Labkoviç 7 yıl, Dmitriy Solovyev (ğıyabiy şekilde) 8 yıl apis cezasına mahküm etildiler.
Uquq qoruyıcılar 2022 senesi Aleksandr Lukaşenkoğa qarşı narazılıqlarnı "paranen temin etüv" ve para "qaçaqçılığı" ile qabaatlı tanıldı. Olar özlerini suçlu tanımadı ve taqipleriniñ saiyasiy sebeplerden olğanını bildirdi.
Belâtskiy keçken sene Belarus SİZO-sında bulunır eken Nobel mukâfatınınıñ laureatı oldı. Onen beraber Ukrayina Vatandaş azatlıqları merkezi ve Rusiye akimiyeti tarafından yasaq etilgen "Memorial" uquq qoruyıcı teşkilâtı laureatlar oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
