Belaruste devlet qabaatlayıcısı muhalifler Svetlana Tihanovskaya ve Pavel Latuşko içün 19-ar, Mariya Moroz, Olga Kovalkova ve Sergey Dılevskiy içün 12-şer yıl apis cezasını istedi. Bunı "Vâsna" uquq qoruyıcı merkezi bildire.
Bundan ğayrı prokuror Tihanovskayağa 37 biñ Belarus rublesi miqdarında para cezasını tayin etmege teklif etti.
BelTA devlet agentliginiñ haber etkeni kibi, Tihanovskaya, Kovalkova ve Moroz cezasını umumiy rejim cezahanesinde, Latuşko ve Dılevskiy ise quvetleştirilgen rejim cezahanesinde çekmeliler.
Evel Belaruste Svetlana Tihanovskayanıñ ömür arqadaşı Sergey 18 yıl apis cezasına makhmüm etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
