Belaruske Rusiye orduиı tarafından işğal etilgen Ukrayina topraqlarından daa bir gruppa bala ketirildi. Bu aqta "Gomelskaya pravda" haber ete.
Neşirniñ malümatına köre, olar "LNR"de Antratcit şeerinde yerleşken internat eviniñ talebeleridir. Olarnı Mogilöv yanındaki "Dubrovenka" şifahanesine yolladılar. İşğal etilgen Donetsk, Lugansk ve Mariupolden daa 40 bala ve büyük Vitebsk vilâyetine "sağlıqlandırılmaq içün ketti".
Balalarnı Belarusqa akimiyetke qol tutqan faal Aleksey Talaynıñ hayriye fondu ketirdi. Daa evel ABD, AB ve Ukrayina oña qarşı sanktsiyalar kirsetken edi.
Birleşken keçici kabinet yolbaşçısınıñ muavini, Halq buhranğa qarşı idaresiniñ yolbaşçısı Pavlo Latuşko, Halqara cinaiy makemege Belarus rejiminiñ üç cinayet çeşiti boyunca materiallar berildi, dep aytqan edi: sürgünlik, belaruslarnı çetelde taqip etilüvi ve "oña oşağan ağırlıqta diger insaniyetsiz areketler".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
