Belarus, Ukrainağa, Baltıq devletleri ve Poloniyağa benzin ve dizel yaqıtınıñ ihracını toqtattı, bunıñ sebebi - Rusiye cermayınıñ keyfiyeti alçaq oldı. Bu aqta Belarus Cermay Şirketiniñ başı Sergey Grib bildirdi, dep haber ete Azatlıq Radiosı.
“Ukraina, Baltıq devletleri ve Poloniyağa benzin ve dizel yaqıtınıñ ihracı toqtatıldı. Şimdilik Rusiye cermayınen mesele çezilmegence, kontraktlar toqtatılğan”, - dep yaza Gribniñ sözlerinden “Belta” haber agentligi.
Onıñ aytqanına köre, Belarus tarafı, ihrac toqtatılğanından sebep sanktsiyalar kirsetilmesin dep tırışa.
Bundan evel Belarus şirketleri, Rusiyeden kelgen cermaynıñ keyfiyeti bozulğanını haber etti.
