Belarus ile sıñırda 10 biñge yaqın Poloniya askeri yerleşecek, dep bildirdi Poloniya Mudafaa naziri Mariuş Blaşçak.
"Ordumıznı Belarus ile sıñırğa yaqınlarştıramız. Sıñırda 10 biñge yaqın askerimiz olacaq. Olardan 4 biñ sıñırda hızmet etecek, daa 6 biñ yedekte olacaq. Bu tecavuzcını qorqutmaq ve oña ücüm etmege yol bermemek içün yapıla", – dep bildirdi Mudafaa naziri.
Blaşçak, Minsk tarafından kelgen telükege ciddiy yanaşmaq kerek olğanını bir daa qayd etti. Onıñ fikrince, avgustnıñ 1-nde eki tikuçarnıñ Poloniya ava boşluğından keçmesi Rusiye ve Belarusniñ provokatsiyasıdır.
Sıñır hızmetiniñ talabından soñ Poloniya Mudafaa naziri Belarus ile sıñırğa qoşma ordu yollmağa razı oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
