Soñki beş kün içinde Ukraina akimiyeti 50 biñden çoq vatandaşını çetelden qaytardı, dep bildirdi Ukraina prezidenti Volodımır Zelenskıy.
«Soñki beş kün içinde 50 biñden çoq Ukraina vatandaşını qaytardıq. Daa sekiz biñ ukrainalını ketirecek 42 uçaq seferi planlaştırıla. Tünevin Kanada baş naziri Justin Trudeaunen laf ettim. Kanadadan ukrainalılar ve Ukrainadan kanadalılar tahliye etilecek, dep añlaştıq. Böyle ihtiyacı olğanlar aqqında laf kete», – dep bildire Zelenskıynıñ aytqanlarınıи Azatlıq Radiosı.
Martnıñ 20-ne qadar Ukrainada 26 COVID-19 hastası qayd etildi. Üç insan öldi, bir kişi tüzeldi.
Martnıñ 17-nde Ukraina koronavirus pandemiyası sebebinden diger memleketlerniñ uçaq seferlerini toqtattı. Ukraina prezidenti Volodımır Zelenskıy martnıñ 13-nde semetdeşlerini memleketke üç kün içinde qaytmalarına çağırdı.
