Rusiye kontrolindeki Qırım prokuraturası Bağçasaraydaki Suvlu Qaya qadimiy mezarlığında qanunsız qurucılıq işleri yapıla, dep bildire.
Müessiseniñ matbuat hızmeti bildirgenine köre, prokuratura kütleviy haber vastalarınıñ derc etkenlerini teşkerdi. Qayd etilgenine köre, III-V asırlarnıñ Suvlu Qaya mezarlığı tapılğan medeniy miras (arheologiya) obyektleri sırasına kirsetildi.
«Qanunğa zıt bir şekilde Bağçasaray akimiyeti medeniy miras obyektini saqlap qalmaq, onı kerekli tehnik, sanitar vaziyetini saqlamaq, abadanlaştırılmağan medeniy miras obyektiniñ yer vaziyeti daa beter olmasın dep vazifelerini yapmadı», – dep qayd ete prokuratura.
Müessise bildirgenine köre, «yerli idare organına mezarlıq aqqında çoq haber etilse de, qurucılıq toqtatılmadı, medeniy mirasnı qoruv organlarınen kelişmeyip, mesken ve yarcımcı inşaatlar quruldı».
Qayd etilgenine köre, Bağçasaray memuriyetiniñ yolbaşçısına haber etildi, al-azırda qayd etilgen bozuvlarnı toqtatmaq içün iş yapıla. Bağçasaray Rusiye memuriyetiniñ yolbaşçısı mezarlıqtaki qurucılıq işlerinen bağlı malümatnı izaatlama
