Bazı Ğarp siyasetçileri Ukrayinanı Qırımnıñ işğalden azat etilmsinden saqındıra. Olar bunıñ "özek cenkke" sebep ola bilecegini iddia ete. Bunı Ukrayina Prezidentiniñ Qırım MC daimiy temsilcisi Tamila Taşeva bildirdi.
"Olar, Qırım aqiqaten de qaytarıla bilir, lâkin potentsial aqibetler em yarımadanıñ sakinleri, em de bütün Ukrayina içün büyük olacağını iddia eteler. Olar, biz onı keri qaytarmaq ıntıluvlardan tamamınen red etmelimiz dep sayalar", - dedi o.
Taşeva bu siyasetçilerniñ adlarını bildirmekten red etti. Amma o, Rusiye taktik özek silâsını qullanmaycağına emindir.
"Hersonnı altı ay evelsi azat ettik ve is bir şey olmadı. Amma Moskvanıñ fikrince bu Rusiye topraq bütünliginiñ "bozuluvı" edi. Putinniñ özek doktrinasına köre olar deral taktik özek silâsını qullanmaq kerek ediler", - dep qayd etti o.
Qırımnıñ Rusiye yolbaşçısı Sergey Aksönov Ukrayina istihkam ve mudafaa sayesinde yarımadanı işğalden azat etemeycek, dep bildirdirgen edi.
Fevralniñ 24-nde Ukrayina prezidenti Volodımır Zelenskıy memleket Qırımnıñ işğalden qurtarıluvına azırlana, dep bildirgen edi.
Avropada ABD ordusınıñ sabıq komandanı Ben Hoces Ukrayina Qırımnı 2023 senesi yaznıñ soñuna qadar azat etecek, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
