Yaltanıñ Rusiye akimiyeti izin almağan satıcılarnı tapmaq içün reydler keçire. Memuriyet yolbaşçısı Yanina Pavlenko bildirgenine köre, iş adamlarına akt ve buyruqlar berile.
«Şeerde qanunsız teşkil olmağan ticaretni toqtatmaq içün «mahsus tedbirler» başlana! Al-azırda iş adamlarına akt ve buyruqlar berile. Yaltalılar añlar dep ümüt etem! Aynı vaqıtta yeri deñiştirile bilgen ticaret noqtalarını yerleştirüv shemasını tasdıqlav basamağı yekünlene», – dep yazdı Pavlenko Facebookta.
Onıñ qayd etkenine köre, reydler vaqtında akimiyet yeşil terekler kesilmesine, qanunsız qurucılıq yapılmasına yol bermey.
Daa evel berilgen malümatqa köre, Yalta akimiyeti Ay-Petride satıcılarnen küreşmek içün nevbetçilerni tayin etti.
