Baykar Türkiye şirketi Ukrayinada qayd olunıp, Bayraktar pilotsız uçaqlarnı yapıp çıqaracaq zavodnıñ quruluvı içün arsa satın aldı. Bunı "RBK-Ukraina" neşrine Ukrayinanıñ Türkiyedeki elçisi Vasıl Bondar bildidri.
Kıyiv ve Ankara 2022 senesi fevral ayınıñ başında Ukrayinada Bayraktar pilotsız uçaqlarnıñ yapıp çıqaracaq zavodnıñ quruluvını közde tutqan añlaşma imzalağanlar. Aynı zamanda iyülniñ ortasında Haluk Bayraktar Baykar şirketiniñ müdiri Türkiye pilotsız uçaqlarnı Rusiyege satmaycağına işandırdı.
Elçiniñ qayd etkenine köre, şirket zavodnıñ leyhasını azırlağan ve onı yılnıñ soñuna qadar ömürge keçirmek niyeetinde eken.
Onıñ tüşüngenine köre, bu qararnıñ siyasi emiyeti olğanından ğayrı, daa faydasıda bar, çünki kelecekte zavodda işlep çıqarılaycaq modellerniñ büyük qısmında Ukraiynada istisal etilgen terkibiy qısımlar olacaq.
Ukrayina Rusiye ile cenkte faal şekilde Bayraktar TB2 pilotsız uçaqlarnı qullana. Dron em ücüm ete, em istihbarat vazifelerini de eda ete bile.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
