Baykar uçaq çıqarıcı şirketi Ukrayinada zavod qurulışını 2025 senesi bitirmekni planlaştıra, dep bildirdi Reuters agentligine icra müdiri Halük Bayraktar.
"Biz qurucılıqnı 80% bitirdik, maşnalar içün sımarışkar kele. İşbu obyekt 2025 senesiniñ avgust ayında azır olacaq", — dep qayd etti o.
Zavod TB2 pilotsız uçaqlarını ya da TB3 uçaqlarını daa çoq yük taşığan variantını çıqarmaq kerek.
Şirket yolbaşçısınıñ aytqanına köre, Baykar öz motorlarını işlep çıqarmaq içün çalışa — şimdi Akıncı ve Kızılelma qurucılığı içün ukrayin motorlarını qullanalar.
Bundan ğayrı, şirket yaqında ukrayin "İvçenko-Progress" şirketi ile turboventilyator müessiseniñ ayrı işlep çıqarılması aqqında añlaşma imzaladı, dedi Bayraktar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
