2023 senesi Qırımda aq qorçalayıcılar 173 tutuv, 65 tintüv, 217 apis cezası, 186 sorğu ve aman-aman 300 adaletli mahkeme aqqınıñ bozuluvını ve 50-den çoq sağlıq aqqı bozuluvını qayd etti. Bu aqta Qırımtatar resurs merkeziniñ yolbaşçısıEskender Bariyev bildirdi.
Teşkilât malümatına köre, keçken sene yarımadada insan aqları bozuluvınıñ sayısını qayd etti:
- 173 kişi tutuldı (119-ı – qırımtatarı). 2022 senesi bu müddet devamında 121 tutuv qayd etildi, 2021 senesi – 366;
- 65 tintüv (46-sı – qırımtatarlarnıñ evlerinde). 2022 senesi böyle bozuvlarnıñ sayısı 50 oldı, 2021 senesi – 53;
- 217 apis cezası (142-si – qırımtatarlarğa qarşı). 2022 senesi 193 apis cezası berildi, 2021 senesi – 210;
- 186 sorğu (131-i qırımtatarlarğa qarşı);
- 68 kişi etap etildi (59-ı – qırımtatarı). 2022 senesi olarnıñ sayısı 26 edi, 2021 senesi – 37;
- Eki kişi ğayıp oldı (noyabrniñ 3-nde Server Aliyev i Farhad Soliyev);
- Adaletli mahkeme aqqı 280 kere bozuldı, şu cümleden advokatlarnıñ istinaf şikâyetleri red etildi ve para cezası çıqarıldı (188-i – qırımtatarı);
- Eki qırımlı siyasiy mabüs elâk oldı – Konstantin Şiring (fevralniñ 7-nde №5 Novotroitskaya koloniyası) ve Cemil Gafarov (fevralniñ 10-nda Novoçerkassk SİZOsında).
«Unikal ve alternativasız olmaycaqmız, amma malümatımız bar dep ayta bilemiz – er bir malümatta soyadı, adı bar», – dep ayttı Bariyev.
Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva Qırım.Aqiqatnıñ sualine cevap berip, 2023 senesi dekabr ayınıñ soñunda 191 Qırım sakini siyasiy sebeplerden azatlıqtan marum etildi, 123-ü qırımtatarı ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
