Bariyevniñ bildirgenine köre, Ukrayina Nazirler şurasına «Tamır halqlar» Ukrayina Qanunına ve temsiliy organnı uquqiy statusından marum etken ve pekitken tertipke riayet etilmegenine dair mektüpler yollanıldı.
Lâkin Nazirler şurası, Bariyevniñ aytqanına köre, Ukrayinanıñ devlet etnosiyaset ve vicdan serbestligi hızmetine esaslandı, amma Devlet hızmeti öz vazifesini yaptı, dep israr etken Qırımtatar resurs merkeziniñ yolbaşçısı.
«Ukrayina baş naziriniñ işi qaldı – bu emirni imzalaycaq. Ne içün böyle olğanını añlamayım. Ukrayina içün halqara seviyede bu imic ceetinden pek müim. Nazirler şurasınıñ areketleri añlaşılmay. Bu «Ukrayinanıñ tamır halqları» qanunınıñ qabul etilüvinde teşebbüsçi olğan Ukrayina prezidenti Volodımır Zelenskıynı da itibardan tüşüre», – dep qayd etti Bariyev.
Berilgen malümatqa köre, Meclis azası ve qayd etüv işleri vekâletlisi olğan Bariyev Kyiv okrugınıñ memuriy mahkemesine muracaat etti. O, Ukrayina Nazirler şurası buyruqnı tasdıqlap, qanun talaplarını yerine ketirse, dava keri çekilecek, dep qayd etti.
«Nazirler şurası bu meseleni imzalamasa, men Ukrayina Nazirler şurasınıñ qanunğa riayet etmesi içün qanunğa köre küreşmege devam etecem. Dava tek sentâbr ayında peyda oldı. Mektüp, muracaatlar oldı, ne yazıq ki, neticesini körmedik», – dep qayd etti Bariyev.
Qırımtatar Milliy Meclisi – qırımtatarlar saylağan temsiliy organdır. Amma alâ daa Ukrayina uquq alanında subyekt degil ve uquqiy şahıs olamay.
2023 senesi iyünniñ 5-nde Qırımtatar Milliy Meclisi Ukrayinanıñ uyğun organlarına qırımtatar halqınıñ temsiliy organı olaraq Meclisniñ uquqiy statusını pekitmek içün vesiqalarnı berdi. «Suspilne Krım» qayd etkenine köre, aynı seneniñ oktâbr ayından vesiqalar Nazirler şurası tarafından tasdıqlandı, amma deñişmeler daa yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
