«Kerçek barışıq muzakereleriniñ» yekâne yolu cenk meydanında Ukrayınanıñ zaferinden keçe. Bu aqta CNN Ukrayına prezidenti Volodımır Zelenskıyge yaqın menbalarına esaslanıp yaza.
Rusiye prezidenti Vladimir Putinniñ muracaatından soñ bu menba cenkni bitirmek içün Kyivge qoşma arbiy yardım kerek, dep bildirdi. «Ukrayına kerekli silânı ne qadar tez alsa, cenk o qadar tez biter», – dep qayd etti neşirniñ subetdeşi.
Putin, ABD prezidenti Joe Biden Varşavada Ukrayınağa qoltutqanını aytqanda çıqışta bulundı.
Fevralniñ 20-nde Kyivni ziyaret etken Amerika lideri Kyivge yañı yardım berilecek, dep ilân etti. Onıñ aytqanına köre, bu paket top silâsı, daa çoq tanklarğa qarşı Javelin ve gaubitsalardan ibaret olacaq. O, Moskvağa qarşı yañı sanktsiyalar bu afta Rusiyeniñ Ukrayınağa qarşı tam istilâsınıñ yılı munasebetinen kirsetilecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
