«Olar daa çoq insan añlaşma imzalasın dep er şey yapalar, propaganda işini keçireler, topraq damartılarını vade eteler. Mence, prezident saylavlarından soñ bunı daa sert yapacaqlar», – dep qayd etti Bariyev.
Onıñ aytqanına köre, 2023 senesi olğanı kibi qırımtatarlarnıñ evlerine o qadar sıq celpname artıq ketirmeyler. QRM idare reisi tarif etkenine köre, menbalarınıñ malümatına köre, Rusiye akimiyeti avgustta seferberlik başlattı, 3 biñ insannı seferber etmege vazifeleri bar edi.
«2 biñi – şahsiy kampaniyalarğa, ve biñ kişi – Rusiye Federatsiyası Silâlı quvetlerine. 2023 senesi sentâbr ortasında keçirgen saylavlardan evel, elimizdeki malümatqa köre, vazifelerini yerine ketirgenler. 3 biñ insan bar», – dep añlattı o.
Bariyevniñ fikirince, Rusiye prezidentiniñ saylavlarından soñ Rusiye akimiyeti büyük seferberlik başlata bile.
«Büyük ihtimalnen, planlaştırılğan Rusiye saylavları sebebinden bu esnas toqtatıldı. Amma qısmiy seferberlik devam ete, dep haber etile. Sentâbr ayından başlap bir vaqıtları Ukrayına ya da Rusiye quvet qurulışlarında olğan, silâ tecribesi olğan bütün insanlarnı çoqça seferber etmege tırışqanlar», – dep ayttı o.
2022 senesi sentâbr ayında Rusiye akimiyeti Ukrayına ile cenkke lafta qısmiy seferberlikni ilân etti. Resmiy malümatqa köre, tahminen 300 biñ insan seferber etildi. Seferberlik buyruğı bugün de devam ete.
Qırım.Aqiqat jurnalistleri Qırım ve Aqyardan elâk olğan 590 Rusiye arbiyiniñ şahsiyetini bilip oldı. Rusiye tarafı ğayıplar malümatını resmiy şekilde aydınlatmay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
