Berilgen malümatqa köre, Ukrayinada Tayland elçihanesi muracaat etken soñ şirket afu soradı ve haritalarını satıluvdan çekip aldı.
"Sergi teşkilâtçıları ukrayin tarafınıñ fikirlerini de köz ögüne aldılar, ve Book Expo Thailand 2024 — nevbetteki tedbirde Ukrayina toprağını doğru köstergen mahsulat taqdim etildi. Yañı haritalarda Qırım Muhtar Cumhuriyeti, Aqyar, Donetsk ve Lugansk vilâyetleri Ukrayinanıñ qısmı olaraq belgilendi", — dep bildire Ukrayina Tış işler nazirligi.
Daa evel belli olğanına köre, "Lіtera LTD" ukrayin neşriyatı 7-nci sınıf içün ukrayin tiliniñ dersliklerini, kitapnıñ bir versiyasında Qırımsız Ukrayina haritasınıñ resmi tapılğan soñ, keri çekip, ğayrıdan bastırmağa qarar berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
