Qırımlı ukrain faal Volodımır Baluh, Torjok şeeriniñ №4 Rusiye koloniyasında kene ceza izolâtırına keçirildi.
Bu aqta Baluhnıñ soylarına atıf etip, Qırım uquq qoruyıcı gruppası bildire. Olarnıñ malümatına köre, Baluhnıñ ceza izolâtırına iyül 40-zında keçirdiler, o anda 15 kün tutulacaq.
Uquq qoruyıcılarğa köre, Volodımır Baluhnıñ Torjok koloniyasında keçirgen dört ayı devamında, "ruhtan tüşürmek içün", onı altıncı sefer ceza izolâtırına oturtalar.
“Kun-künden açlıq ve sert şaraitten sebep, faalniñ sağlıq vaziyeti beterleşe, ceza izolâtorında tutulması ise bu vaziyetni daa da kerginleştirecek”, – dep, aytıla beyanatta.
Şimdilik bu malümatqa dair mesüliyetli Rusiye müessiselerniñ tefsirleri yoq.
