Link açıqlığı

Saatnıñ esas haberi

Baluh açlıqnı yañıdan daa başlamadı – Çiygoz


Vladimir Baluh mahkemede. Arhiv fotoresimi
Vladimir Baluh mahkemede. Arhiv fotoresimi

Qırımda mahküm etilgen ukrainalı faal Vladimir Baluh №2 Keriç koloniyasında bulunıp, açlıqnı yañıdan daa başlamadı. Bu aqta Qırımtatar Milliy Meclisiniñ reis muavini Ahtem Çiygoz noyabrniñ 5-nde Qırım.Aqiqat bildirdi.

Noyabrniñ 2-nde advokat Dmitriy Dinze ve Aqmescit arhiyepiskopı Kliment Baluhnı ziyaret etip olamadılar, çünki №2 Keriç koloniyası karantinde buluna.

Daa evel Baluhnıñ açlıqnı vaqtınca toqtatmaq qararı aqqında belli olğan edi. Advokat Dmitriy Dinzeniñ aytqanına köre, Baluh 200 kün açlıq tutqan soñ ülser ve pankreatit şübesi bar.

Bundan evel Kreml nezaretindeki Qırım Yuqarı mahkemesi 5 yılğa mahküm etilgen Vladimir Baluhnıñ ükmüni qısmen yımşatıp, onı 4 yıl ve 11 ay umumiy rejim koloniyasında qalmasına ve 10 biñ ruble (tahminen 4 biñ ğrıvnâ) para cezasını ödemesine üküm etti. Faal eki cinaiy iş boyunca tevqif etildi.

Qırımda apiste tutulğan ukrain faali Vladimir Baluh 2018 senesi martnıñ 19-nda başlağan müddetsiz açlıqnı devam ete. Bir aydan berli bir şey aşamağan Baluh Arhiyepiskop Klimentni diñlep, kisel içmege, peksimet aşamağa razı olğan edi.

FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.

XS
SM
MD
LG