Link açıqlığı

Saatnıñ esas haberi

Bahmutta mudafaa operatsiyası devam ete, bir künde 24 cenk çatışması oldı – Ukrayına Silâlı quvetleri


Ukrayına arbiyleri Bahmut yaqınlarında Rusiye mevzilerine ateş aça, 2023 senesi martnıñ 8-i
Ukrayına arbiyleri Bahmut yaqınlarında Rusiye mevzilerine ateş aça, 2023 senesi martnıñ 8-i

Donetsk vilâyetinde Bahmut yaqınlarında bir künde eñ az 34 cenk çatışması oldı, mudafaa operatsiyası devam ete, dep bildirdi Ukrayına Silâlı quvetleriniñ Şarqiy ordu gruppirovkasınıñ spikeri Sergey Çerevatıy.

«Bir künde duşman Bahmut, Orehove, Vasılivka, Boğdanivka, İvanovskede mevzilerimizge 42 kere ücüm etmege tırıştı. Tek Bahmut rayonında 24 uruş çatışması oldı. Bahmut cebesinde mevzilerimizge top ve toplu ateş reaktiv sistemalarınen 256 kere ateş açıldı. 53 ateş tek Bahmutnıñ özünde oldı», – dep ayttı o, Ukrayına milliy telemarafonınıñ yayınında ve şeerde mudafaa operatsiyası kete, dep qoştı.

Onıñ malümatına köre, 225 Rusiye arbiyi öldürildi, 306 kişi yaralandı.

O, duşmannıñ ekinci faallik alanı Liman-Kupânsk yönelişi ola, dep qoştı – Grenekivka, Beloğorivka, Sporne.

«Bu yöneliş soñki aftaları duşmannıñ faalligine köre rekordlı oldı. (Bir künde) duşman bu yönelişke qarşı 435 kere ateş açtı, yedi ava darbesini endirdi», – dep qayd etti Çerevatıy.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Martnıñ 14-nde Ukrayına yuqarı baş komandanınıñ toplaşuvında Bahmut mudafaasını devam ettirmege qarar alındı.

Bahmut cebeniñ esas sıcaq noqtası olıp qala. Rusiye ordusı 2022 senesi iyül ayından berli, qomşu Lugansk vilâyetiniñ büyük qısmını (Severodonetsk, Rubejne, Lısıçansk) işğal etkende, şeerni zapt etmege tırışa. Yanvar ayında Bahmutqa yaqın mevzilerden Rusiye arbiyleri ve yalçıları faal ücüm başlattı. Arbiy talilciler aman-aman bütünley yoq etilgen Bahmutnıñ zapt etilüvi Rusiye ise timsaliy bir emiyet taşıy, amma strategik ceetten müim degil, dep ayta.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG