Ukrayina Silâlı Quvetleri Bahmut yönelişinde ileriley – şeerniñ cenübinde olar bir kilometrden çoq ilerilep oldılar, dep bildirdi Ukrayina Mudafaa naziriniñ muavini Ğanna Malâr.
"Bahmut yönelişinde cenüp tarafta bir qaç yerde ilerileme bar - bir kilometrden çoq", - dep yazıla bildirmede.
Malâr, "şimal tarafta deñişmeler yoq", dep añlattı.
"Bahmutnıñ özünde duşman tuzaqqa tüşti demek mümkün", - dep bildirdi nazir muavini.
Onıñ sözlerniye köre köre, ukrayina arbiyleri duşmannıñ areketini olduqça mürekkepleştirgenler ve çekilüvni aman-aman imkânsız yapqanlar.
Ukrayina prezidenti Volodımır Zelenskıy iyünniñ 21-nde BBCge intervyü berir eken, Ukrayınanıñ qarşı ücümi «istegeni kibi tez ketmey», dep ayttı.
«Bazı insanlar bunı Gollivud filmi saya, ve şimdi netice bekley. Böyle degil», – dep qayd etti o. Zelenskıy, yavaş ketken esnasnıñ sebeplerinden biri Rusiye ordusınıñ qoyğan mayınları ola, dep ayttı – Ukrayina toprağınıñ 200000 metr kâresi mayın tolu.
Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
