Ukrayına Silâlı quvetleriniñ Baş ştabı 2022 senesi dekabr ayından berli ilk sefer Bahmuttaki uruşlar aqqında bildirmedi. Cenkni tedqiq etüv institutı (ISW) «vagnerciler» şeerniñ içine kirgendir, dep añlata.
Ekspertlerniñ hatırlatqanına köre, Ukrayına resmiy şahısları mayısnıñ 23-nde Bahmut taraflarında sıñırlanğan Ukrayına ücümleri vaziyetinde uruşlar eksilgenini bildirdi.
Baş ştab haber etkenine köre, Rusiye ordusı Hromove yaqınlarında (Bahmuttan ğarp tarafında) muvafaqiyetsiz ücüm areketlerini keçirdi.
Mayısnıñ 21-nde Reuters neşiri bildirgenine köre, Ukrayına prezidenti Volodımır Zelenskıy Amerika zenaatdaşı Joe Bidennen körüşip, «Ukrayına arbiyleri Donetsk vilâyetindeki Bahmutnı kontrol etmey» dep tarif etken eken.
Ukrayına prezidentiniñ ofisi Amerika jurnalistleriniñ malümatını red etti.
Mayısnıñ 20-nde Ukrayına Mudafaa nazirligi Donetsk vilâyetiniñ Bahmut şeerindeki vaziyet «kritik», amma Ukrayına Silâlı quvetleri «Samolet» rayonında mudafaa ete, dep bildirgen edi.
Mayısnıñ 21-nde Ukrayına mudafaa naziriniñ muavini Ğanna Malâr Ukrayına arbiyleri Bahmutnı «yarığa sarıp aldı», dep ayttı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
