İşğal etilgen Qırımda Bağçasaray rayonı Qoçqar Eli köyünıñ sakini İzet Alâmitov «terrorcılıqnı paranen temin etkeninde» qabaatlanıp, eki ayğa tevqif etilgen. Bunı «Qırım birdemligi» cemaat birleşmesi haber etti.
Aprelniñ 9-nda advokat Konstantin Rustemov haber etkeni kibi, mudafaa tarafı müşterisiniñ ev apsine yiberilmesini istegen, amma mahkeme onı iyünniñ 8-ne qadar tevfqif etken.
Uquq qoruyıcılarnıñ haber etkenine köre, Ablâmitovnı cumaaqşamından Aqmescit İİN izolâtorında tutqanlar, amma sıñırlama tedbiri salanğan soñ Aqmescitniñ 1-nci tahqiqat tevqifhanesine avuştırılacaqlar.
Evel Kyiv Rayon Mahkemesi «terrorcılıqnı paranen temin etmesinen» qabaatlanğan Ruzil Yapparov ve Latifa Malahova içün qabaatlav tedbirini tayin etken edi.
Tahqiqatqa köre, apay-aqay, 2015-ten 2018-ci yılğa qadar, «qaçaqlarğa, ihtiyacı olğan vatandaşlarğa hayriyecilik ve yardım sebebi ile Afrikada cami ve quyularnıñ inşası» ile Rusiyede yasaq etilgen fondlarğa para bergenler.
