Bazarertesi künü, noyabrniñ 22-nde, Kyivdeki «Premyer Palats» musafirhanesinde Qırımtatar resurs merkezi «Babamnı qaytarıñız!» adlı qısqa vesiqalı filmni taqdim etecek.
«Qırım işğalinden soñ babamları apiske alınğan ya da hırsızlanğan balalarnıñ ikâyelerini topladıq. Bazıları babalarınıñ sert bir şekilde tutulğanını kördi ve şimdi tek bir ricaları bar: «Babamnı qaytarıñız!!», – dep tarif etti Qırımtatar resurs merkezi.
Teşkilâtnıñ malümatına köre, 200-den çoq qırımlı bala «siyasiy esaslı davalar çerçivesinde» azatlıqtan marum etilgen babasız ösmege mecbur.
«Bu levha vastasınen Ukraina ve halqara cemaatçılığınıñ diqqatını Qırımnıñ siyasiy mabüsleriniñ ve ana-babasından az zarar körmegen balalarnıñ meselesine celp etmege isteymiz. Şunıñ içün levha yedi tilde olacaq: ukraince, arapça, almanca, inglizce, türkçe, italyanca ve ispanca», – dep aytıla haberde.
Qırımtatar resurs merkezi tedbir karantin sıñırlavlarına uyğun şekilde keçirilecek, dep qayd etti. Saat 16:00-da başlanacaq.
