Ukrayınanı baarde ve yazda ağır küreş bekley, dep bildirdi ABD Mudafaa nazirliginiñ spikeri Pet Rayder.
«Keri adım atıp, olğan ilerilevge baqmalı, ağır küreş daa ögde, em de baar ve yazğa yaqınlaşamız», – dep qayd etti o, brifingde.
Rayderniñ aytqanına köre, ABD Ukrayınanıñ silâ, ava mudafaası ya da imaye ihtiyaclarını temin etmek içün elinden kelgenini yapmağa devam etecek.
Ukrayına Mudafaa nazirliginiñ Baş istihbarat idaresiniñ reberi Kırılo Budanov fevral ayında baarniñ ortasından soñuna qadar cebede müim uruşlar olacaq, dep bildirdi.
Amerikan Cenkni tedqiq etüv institutınıñ (ISW) malümatına köre, martnıñ 8-ne qadar Rusiye küçleri Donetsk vilâyetinde Bahmutnıñ eñ az 50 fayızını aldı. Aynı vaqıtta, ekspertlerniñ fikirince, Rusiye ordusı Bahmutnı zapt etse de, şeer tışına çıqmaz.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
