Ukrayina Silâlı Quvetleriniñ Baş Ştabı saban ayınıñ 4-te işğal etilgen Qırımnıñ qarbındaki Çornomorskoye qasabası yanında "Geran" ve "Gerbera" ücüm BPLA-larınıñ idare etüv merkeziniñ yer üstündeki ara bericisine darbe endirilgenini bildirdi.
"Rusiye tecavuzcısınıñ ücüm imkânlarını eksiltmek içün, saban ayınıñ 4-ne keçken gecesi Ukrayina Mudafaa Quvetleriniñ bölükleri Nijniy Krınka yanındaki silâ saqlav anbarına, vaqtınca işğal etilgen Donetsk vilâyetindeki Çıstâkovo yanındaki logistika obyektine ve Qırımnıñ qarbındaki Çornomorskoye qasabası yanında "Geran" ve "Gerbera" ücüm BPLA-larınıñ idare etüv merkeziniñ yer üstündeki ara bericisine ücüm ettiler", — dep, qayd etile beyanatta.
Rusiye arbiyleri bu haberni izaatlamadı.
Keçende Qırımda kün devamında çeşit rayonlarda patlav sesleri eşitilgeni aqqında haber etilgen edi. RF Mudaa nazirligi dron ücümi aqqında bildirdi.
2022 senesinden başlap, Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay, bu malümatnı teşkermege imkân olsa da.