Link açıqlığı

Baş prokuratura saylavlarda iştirak etken qırımlılarğa qol tutmağa vade ete


Ukraina baş prokuraturası Ukraina prezidentiniñ nevbetten tış saylavlarında iştirak etken Qırım saylayıcılarına ileride de er taraftan qol tutmağa azır.

Bu Baş prokuratura matbuat hızmetiniñ Qırımğa yaqın vilâyetler ve Kiyev şeerinde rey bergen qırımlılarğa yollanılğan muracaatında aytıla.

Baş prokuratura cemaat borcunı yerine ketirgen (Ukraina cinaiy kodeksiniñ 350 maddesi) hızmet adamları ya da vatandaşlarğa zorbalıq ve telükelerden uquq ceetten qorumaqnı kefil ete, ve bölge saylav bölükleri ya da mahkemege faal muracaat etmege teklif ete.

Matbuat hızmetiniñ beyanatında qayd etile ki, Baş prokuratura emin ki, vatandaşlarnıñ milliy çizgileri sayesinde Ukraina devletinde qanunlarğa riayet etilip başladı. Kergin vaziyette ve qıyın devirlerde cemaat borcunı yerine ketirmek ğayet müimdir.

Baş prokuraturada aytqanlarına köre, lâqayt qalmağan Qırım sakinleriniñ reyleri Ukrainada siyasiy ve iqtisadiy istiqrar, em de Qırımnıñ onıñ ayırılmaz parçası olmasında, büyük isse qoşacaq.
XS
SM
MD
LG