Ukraina Baş prokurorı vazifesini eda etken Oleg Mahnitskiy Qırım «qaçaqlarınıñ» yaşav şaraitlerini er taraftan teşkermege avale etti.
Bunı Baş prokuraturanıñ matbuat-hızmeti bildirdi.
Böyle bir teşkerüvniñ sebebi ukrain telekanalında Kiyev vilâyetinde yerleşken pansionatta Qırımdan kelgen 17 adamnıñ yaşav şaraitleri aqqında levha oldı.
«Teşkerüv vaqtında qayd etilgen vatandaşlarnıñ yaşav şaraitleri ögrenilecek, olarğa içtimaiy qol tutuv ve alışuv içün tedbirler baqılacaq», – aytıla beyanatta.
Baş prokuratura matbuat hızmetiniñ reberi Vasıl Zarâ qayd etti ki, akimiyet ve yerli idare organlarınıñ hadimleri buña qulaq asmağan olsalar, vatandaşlar prokuraturağa muracaat ete bileler: 0800507001.
Halq deputatı, qırımtatarlarnıñ lideri Mustafa Cemilevniñ malümatına köre, Qırımdan Ukraina qıtasına 5 biñ qırımtatarı ketti. Ukraina Mudafaa Nazirligi bildire ki, işğal olunğan yarımadanı qorantalarınen beraber 3 biñden ziyade ukrain arbiy adamı terk etti.
Bunı Baş prokuraturanıñ matbuat-hızmeti bildirdi.
Böyle bir teşkerüvniñ sebebi ukrain telekanalında Kiyev vilâyetinde yerleşken pansionatta Qırımdan kelgen 17 adamnıñ yaşav şaraitleri aqqında levha oldı.
«Teşkerüv vaqtında qayd etilgen vatandaşlarnıñ yaşav şaraitleri ögrenilecek, olarğa içtimaiy qol tutuv ve alışuv içün tedbirler baqılacaq», – aytıla beyanatta.
Baş prokuratura matbuat hızmetiniñ reberi Vasıl Zarâ qayd etti ki, akimiyet ve yerli idare organlarınıñ hadimleri buña qulaq asmağan olsalar, vatandaşlar prokuraturağa muracaat ete bileler: 0800507001.
Halq deputatı, qırımtatarlarnıñ lideri Mustafa Cemilevniñ malümatına köre, Qırımdan Ukraina qıtasına 5 biñ qırımtatarı ketti. Ukraina Mudafaa Nazirligi bildire ki, işğal olunğan yarımadanı qorantalarınen beraber 3 biñden ziyade ukrain arbiy adamı terk etti.
