Rusiye kontrolindeki Bağçasaray mahkemesi bu rayonnıñ sakinini cinaiy taqım erkânında bir sıra cinayet işlegeninde qabaatlap, sekiz yıl sert rejimli koloniyada qalmasına üküm etti.
Mahkemeniñ matbuat hızmeti bildirgenine köre, 2016 senesi iyül ayından başlap Bağçasaray rayonınıñ 26 yaşında sakini cinaiy taqımnıñ azası edi.
«Çete Bağçasaray rayonınıñ bir qaç sakininden ibaret olıp, 2014 senesiniñ başından 2018 senesi fevral ayında uquq qoruyıcı organlarınıñ hadimleri cinaiy faaliyetlerini toqtatqanına qadar areket etti», – dep aytıla haberde.
İştirakçiler bir sıra cinayette, hususan para talap etkeninde, insannı hırsızlağanında, dolandırıcılıq, silânı qanunsız satın aluv ve satışta qabaatlandı.
Qabaatlı ve imayesinden şimdilik bir malümat yoq.
Sentâbr ayında Rusiye FSBsiniñ hadimleri, olarnıñ malümatına köre, Rusiye arbiyinden «para bermesini talap etken» eki er adamnı tuttı.
