Bağçasaraydaki ekinci «Hizb ut-Tahrir davası» mabüsleriniñ apis müddeti uzatıldı
Kreml kontrolindeki Qırım Yuqarı mahkemesi Bağçasaraydaki ekinci «Hizb ut-Tahrir davasınıñ» mabüsleri Seyran Saliyev, Marlen Asanov ve Server Zekiryayevni nezaret altında qaldırdı. Marlen Asanovnıñ ömür arqadaşı Ayşe dey ki, oturışuvğa advokat Emil Kürbedinov kelip olamadı, çünki kendisine memuriy cinayet aqqında üküm çıqarıla edi. Bağçasaraydaki ekinci «Hizb ut-Tahrir davası» mabüslerinden biriniñ advokatı Mammet Mambetovnıñ bildirgenine köre, müşterisi Seyran Saliyev 2019 senesi fevralniñ 9-na qadar apiste qaldırıldı. Mahkeme imayeniñ Saliyevniñ ömür arqadaşına üküm çıqarılğanda kirmesine izin bermek muracaatını qanaatlendirdi. (Video – «Qırım birdemligi»)