Advokat Edem Semedlâyev Bağçasarayğa keldi, anda sabadan berli qırımtatarlarnıñ evlerinde tintüvler yapıla. O müşterisi Seytumer Seytumerovğa barıp yetmege tırışa.
"OMON hadimleri meni yibermey, men, tahqiqat tedbirlerini keçirgen tahqiqatçığa haber etmege ve meni müşterime yibermege rica ettim, çünki onıñ yuridik yardımğa anayasa aqqı bar. Amma, yazıq ki, şimdilik bir cevap yoq", - añlattı Semedlâyev "Qırım birdemligi"ne cevap bergende.
Martnıñ 11-inde saba Rusiye quvetçileri Bağçasarayda ve Bağçasaray rayonında qırımtatarlarnıñ evlerinde tintüv keçire. Faallerniñ malümatına köre, umumen altı-yedi ev tintile. Hususan, tarihçı Seitumer Seytumerov, Şükri Seytumerovnıñ, "Qırım birdemligi"niñ streamerleri Amet Süleymanov ve Seydamet Mustafayevnıñ, Rustem Seytmemetov ve Ayder Süleymanovnıñ evlerinde.
Şimdilik tintüv sebepleri belli degil. Rusiye quvetçileriniñ resmiy tefsirleri yoq. Qırım.Aqiqat tafsilâtlarnı bilmege tırışa.
