Yanvar 17-sinde şiddetli yel sebebinden Bağçasaray rayonınıñ bir qaç meskün yeri yarıqsız qalğan dep bildire “Krımenergo” şirketi.
Muessiseniñ malümatına köre, Aromat, Ğavr (Plotinnoye), Bağatır, Mahuldür (Nagornoye), Tatar Osman (Zelönoye), Büyük Özenbaş (Sçastlivoye) köyleri qısmen elektrikasız qaldı.
“Köyler dağ-orman mıntaqasında yerleşken, bir elektrik ağına bağlı, 700-ge qadar evde yarıq söndi”, - “Krımenergo” hadiminiñ sözlerinde yaza “RİA Krım”.
Şimdilik 19 södürilgen transformator stantsiyasından bir danesi yaqılağanı bildirile.
Daa evel, yanvar 17-sinde Qırımda sılaq qar, yağmur ve buzlavuq beklenilgeni bildirile edi. Bazı yerlerde 15 s/m-ge qadar yel ola bile.
