Bağçasaray-Aqmescit yolunda Nissan ve Lada Priora maşinalarınıñ çatışması neticesinde altı insan yaralandı, birini maşinadan çıqarmaq içün qurtarıcılarnıñ yardımı kerek oldı, dep haber ete yanvarniñ 30-nda Qırımdaki Rusiye Fevqulâde vaziyetler nazirligi idaresiniñ matbuat hızmeti.
Qaza tünevin aqşam olğanı qayd etilmekte.
«Yaralanğanlar Bağçasaraynıñ Merkeziy rayon hastahanesine alındı», – dep tarif etti matbuat hızmetiniñ reberi Sergey Şahov.
Matbuat hızmetiniñ qayd etkenine köre, qurtarıcılar qaza aqibetlerini yoq etip, aydavcılarnı muqayt olmalarına çağıra.
Bir kün evelsi Qırımnıñ Qarasuvbazar rayonında Aqmescit-Keriç yolunda eki maşina çatıştı.
2018 senesi dekabr ayında Qırım qurtarıcıları bildirdi ki, Qırımda büyük yol qazalarınıñ sayısı arttı.
