Bağçasaray-Aqmescit yolunda dört naqliyat vastası büyük yol qazasını yaptı.
Mayısnıñ 15-nde Qırımdaki Rusiye Fevqulâde vaziyetler nazirligi idaresiniñ matbuat hızmeti bildirgenine köre, qazağa «Ford Transit», «Audi», «Mercedes-Benz» ve «Scania» yük maşinası oğradılar.
Yol qazası neticesinde «Scania» maşinasında aydavcı sıqıştı. Qurtarıcılar zarar körgen kişi çıqarıldı ve «acele yardım» maşinasına ketirildi, dep bildire. 1983 senesi doğma erkek Rusiyeniñ Ulyanovsk vilâyetiniñ sakini ola.
Bundan evel «Tavrida» yolunda yük ve yengil maşinalarnıñ çatışması neticesinde üç insan elâk oldı.
2018 senesi dekabr ayında qırımlı qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayı devamında keçken seneniñ aynı müddetine köre bir buçuq qat çoq aydavcı mesüliyetke çekildi.
