Büyük Britaniyanıñ baş naziri olaraq memleketniñ Konservativ firqası Cemiyetler palatasınıñ deputatı ve sabıq tış işler naziri Boris Johnson saylandı. Bu aqta Reuters agentligi haber ete. Rey berüv aqqı Britaniya firqasınıñ bütün azalarında bar edi.
Azalarınıñ soravı eki namzet arasında Boris Johnsonğa qoltutqanlar daa çoq olğanını köstere edi. Siyasetçi Brexit añlaşmasınıñ qabul etip-etilmeycegine baqmadan, oktâbrniñ 31-nde Büyük Britaniyanıñ Avropa Birliginden çıqmasını istey.
Mayısnıñ soñunda şimdiki baş naziri Tereza Mey istifa aqqında ilân etti. O, Büyük Britaniyanıñ Avropa Birliginden çıquv şartlarını belgilep olamağanı içün afu soradı. O vaqıttan berli baş nazirge bir qaç rey berüv basamağı keçirildi.
