2022 senesi mayıs ayınıñ soñunda ukrayin bölükleri, viran etilgen Mariupoldeki ukrayin ordusınıñ soñki sıñırı olğan "Azovstal" zavodınıñ territoriyasını terk etti. Ukrayina komandanlığınıñ "Azovstal"dan arbiylerni çıqarma emirinden evel duşman qamaçavını bozuv, silâ ve aşayt mallarını ketirme missiyaları, telükeli mahsus operatsiyalar ile 86 kün devam etken sert uruşlar oldı. Ukrayin askerleri metallurgiya kombinatını "qale"ge çevirdiler, onı soñuna qadar qorçaladılar. Azatlıq Radiosı bu mudafaanıñ kerçeklerini "Azovstalıniñ" içinde "Azov" polkunıñ arbiy ekimi Asan İsenaciyevniñ yapqan fotoresimleri yardımınen köstere. 83 kün mudafaa ve 227 kün esirlikte bulunıp, qırımlı arbiy hızmetini bitirdi. Şimdi esas Ukratyinada birinci tibbiy yardım kösterüv kurslarını keçire. Qırımğa qaytmaqnı arzu ete.
"Azovstalniñ" terenliginde: "Azov" polkundan qırımlınıñ resimler kündeligi (fotogalereya)
1
Mariupol, 2022 senesi. Merkezde - Azatlıq Radiosına bu fotoresimlerni bergen qırımlı, arbiy ekim Asan İsenacıyev. O, "Azovstal"den 2022 senesi mayıs ayında, Rusiye ordusı sarıp alğan zavodda qalğan soñki ukrayin bölükleri ile çıqtı. Bundan soñ o, diger askerlernen beraber Olenivka koloniyasına qapatıldı ve esirler ile baraknıñ patlavı vaqtında sağ qaldı. 2022 senesi dekabrniñ 31-nde Asanı deñiştirdiler.
Bu fotoresimde "Vışnâ", "Şprot" ve "Grân" (soldan sağğa) arbiyler onıñnen beraber turalar. Olar sarıp alınğan Mariupolge tikuçarnen kirdiler. Olardan tek Vişnâ sağ qaldı, o da Rusiye esirliginden keçti, almaşuvdan soñ ise orduğa qayttı. Şprot ve Grân 2022 senesi baarde Mariupolde elâk oldılar
Bu fotoresimde "Vışnâ", "Şprot" ve "Grân" (soldan sağğa) arbiyler onıñnen beraber turalar. Olar sarıp alınğan Mariupolge tikuçarnen kirdiler. Olardan tek Vişnâ sağ qaldı, o da Rusiye esirliginden keçti, almaşuvdan soñ ise orduğa qayttı. Şprot ve Grân 2022 senesi baarde Mariupolde elâk oldılar
2
Azovstalniñ bomba sığınalarından birinde arbiy gospital. Asannıñ aytqanına köre, bazıda mında yaralanğanlarnıñ sayısı beş yüz insanğa yetken edi: "Qan, kesilgen ayaq-qol, irin, necaset, sidik, teri... ve büyük dımlıq. Çünki eñ az 300 insan aynı vaqıtta bir odada, büyük bir mağazda nefes ala"
3
Azovstalde qırımlı yaralanğan arbiylerge yardım ete edi.
Fotoresimde közüne ağır yaralanğan Milliy gvardiya zabiti Renat Musayev. Asannıñ aytqanına köre, o vaqıt olar, cenkçi sağ qalmaycaq, dep tüşüne ediler: onı tahliye etmege tırıştılar, lâkin tahliye tikuçarı sarılğan Mariupolge kelip olamadı.
Amma arbiy em sağ qaldı, aynı zamanda esirlik, deñişim ve reabilitatsiyadan keçti, soñra ise Ukrayina Milliy gvardiyasınıñ saflarına qaytıp keldi
Fotoresimde közüne ağır yaralanğan Milliy gvardiya zabiti Renat Musayev. Asannıñ aytqanına köre, o vaqıt olar, cenkçi sağ qalmaycaq, dep tüşüne ediler: onı tahliye etmege tırıştılar, lâkin tahliye tikuçarı sarılğan Mariupolge kelip olamadı.
Amma arbiy em sağ qaldı, aynı zamanda esirlik, deñişim ve reabilitatsiyadan keçti, soñra ise Ukrayina Milliy gvardiyasınıñ saflarına qaytıp keldi
4
Azovstal hastahanesiniñ binası
Asan İsenaciyevniñ aytqanına köre, yüzlernen yaralanğanlar "biri-biriniñ üstünde yatqa edi". Olarnıñ urbaları qanğa battı, bazıları elâk olğan askerlerniñ urbalarını kiye edi. Er keske azıq yetmey edi, bazıda bir kase aşnı bir qaç kişi aşay edi
Asan İsenaciyevniñ aytqanına köre, yüzlernen yaralanğanlar "biri-biriniñ üstünde yatqa edi". Olarnıñ urbaları qanğa battı, bazıları elâk olğan askerlerniñ urbalarını kiye edi. Er keske azıq yetmey edi, bazıda bir kase aşnı bir qaç kişi aşay edi
5
Alla ve Maksim, "Azov" polkunıñ tibbiyet hızmetinden, "Azovstal"ge beraber tüştiler. Maksim ağır yaralanğanda, Alla aqayını terk etmedi ve oña şahsen baqtı
6
Hastahanede ilâc ve ilk yardım vastaları da yetmey edi: yaralarnı sarmaq içün sarğılarnı qaynatıp bir qaç kere qullana ediler, ya da olarnıñ yerine kesilgen beyaz çarşaflarnı qullana ediler. Antiseptiklerni suvnen sulandıa ediler.
Bunıñ ile, Asannıñ aytqanına köre, Azovstalniñ hastahanesi muntazam sürette Rusiye ordusınıñ atışları altında buluna edi
Bunıñ ile, Asannıñ aytqanına köre, Azovstalniñ hastahanesi muntazam sürette Rusiye ordusınıñ atışları altında buluna edi
7
Azovtalniñ ameliyat odası
8
Bağlama malzemeleri ile qutu. "Azovstal", 2022 senesi
9
Bu arbiy "Azovstal" territoriyasında vefat etti. O, Rusiye ordusınıñ ateşine oğrap, ağır yaralandı. Ekimlerniñ bütün ğayretlerine baqmadan, onı qurtarıp olamadılar.
Asannıñ aytqanına köre, arbiyler ilâc ve antiseptiklerniñ yetmemezliginden vefat ete ediler
Asannıñ aytqanına köre, arbiyler ilâc ve antiseptiklerniñ yetmemezliginden vefat ete ediler
10
"Azovstal", 2022 senesi. Bu köpekni arbiyler zavod kirişinden bunkerge alıp kettiler. Anda de o öldi: "Azovstal"niñ ateike tututlmasından birinde onıñ üstüne bunkerniñ damı tüşti
11
Azovstalde Merkeziy bomba sığınağı, 2022 senesi.
Arbiyler un ve suvdan çırlama pişire. "Özümiz içün bayram yaptıq", — dep hatırlay Asan İsenaciyev
Arbiyler un ve suvdan çırlama pişire. "Özümiz içün bayram yaptıq", — dep hatırlay Asan İsenaciyev
12
Bu fotoresimde Azovstalde Asan İsenacıyevniñ qanlı elleri körüne. Asan, fotoresimni Instagramda derc etip, şunı yazğan edi: "Anama şunı aytıñız ki, men çoq acılar kördim, amma iç bir vaqıt yıqılmam".
83 kün mudafaa ve 227 kün esirlikte bulunıp, qırımlı arbiy hızmetini bitirdi. Şimdi esas Ukrayinada birinci tibbiy yardım kösterüv kurslarını keçire. Qırımğa qaytmaqnı arzu ete
83 kün mudafaa ve 227 kün esirlikte bulunıp, qırımlı arbiy hızmetini bitirdi. Şimdi esas Ukrayinada birinci tibbiy yardım kösterüv kurslarını keçire. Qırımğa qaytmaqnı arzu ete