Rusiye esirliginden azat etilgen soñ Türkiyede bulunğan "Azovstal"niñ mudafaasına reberlik etken bütün ukrayin komandirleri Ukrayinağa qayta, dep bildirdi Volodımır Zelenskıy.
Zelenskıynıñ sözlerine köre Ukrayinağa şu komandirler qayta:
- Denis Prokopenko ("Redis") – "Azov" komandiri;
- Sergiy Volınskiy ("Volına") – 36-ncı ayrı deñiz piyadesi brigadasınıñ komandiri vazifesiniñ icracısı;
- Svâtoslav Palamar ("Kalına") –"Azova" komandiriniñ muavini;
- Oleg Homenko – Ukrayina Milliy gvardiyasınıñ mayorı;
- Denis Şlega – Ukrayina Milliy gvardiyasınıñ polkovnigi.
İyün ayında Ukrayina prezidenti Volodımır Zelenskıy Rusiye büyük cenki başlağanından berli Ukrayina esirlikten 2526 ukrayinni azat etip olğanını bilidrgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
