Mariupoldeki "Azostal" zavodını imaye etken ukrayin arbiyleri deñinüv protsedurası çerçivesinde azat etilecek. Bunı Ukrayina prezidenti Volodımır Zelenskıy “United News” milliy telemarafonınıñ alıpbarıcılarına bildirdi.
"Ballar arbiylerden çıqmaq ve yaşayışlarını saqlamaq aqqı olğanı aqqında signal aldılar. Arbiy komandanlıq bütün bularnı Azovstalde blok etilgen er keske bildirdi. Endi er şey arbiylerimiz telükesizlikte olacağı BMT, Qızıl Haç, RF özüne alğan mecburiyetlerge bağlı. Yañı deñişüv foramatını beklecekler", - dedi Zelenskıy.
Devlet başı "Azovstal"den bütün vatandaşlar, ekimler ve ağır yaralılar tahliye etilgenini tasdıqladı: "Yaqın vaqıtta, yaqın künlerde bile degil, er kes "Azovstal"den çıqarılacaq. Baqarmız".
Prezidentniñ sözlerine köre, bunı esnasnı istihbarat idare ete.
"Bugün men böyle tüşünem: bugün keşfiyatnıñ idare etken esnas tamamlanacaq - imayecilerimizniñ çıqarılması, dialogğa, deñişüvge azırlanuv ve ilâhre. Olarnı evge qaytaracaqmız. Bunı özüne mesüliet alğan ortaqlarımız ile beraberlikte yapmalımız", - dep qayd etti Zelenskıy.
Evel, Rusiye Mudafaa nazirligi Mariupoldeki "Azovstal" zavodınıñ territoriyasını nezaretke alğanını bildirdi.
Ukrayina prezidenti Volodımır Zelenskıy mayısnıñ 18-nde Mariupoldeki «Azovstal» zavodından tahliye tedbirleri devam ete, dep qayd etti.
Ukrayina Mudafaa naziriniñ muavini Ğanna Malâr mayısnıñ 17-nde gece Ukrayina arbiyleri «Azovstal» zavodından tahliye etip başlağanını tasdıqladı. Onıñ aytqanına köre, ağır yaralanğan 53 arbiy işğal etilgen Novoazovsk tibbiy müessiselerine tahliye etildi. Daa 211 insan gumanitar ayattan Yelenovkağa ketirildi.
Mayısnıñ 16-nda aqşam «Azov» polkunıñ komandanı Denis Prokopenko Mariupol imayecilerini ayatlarını qorumaq içün emirni yerine ketirdi, dep bildirdi. Angi emir aqqında aytılğanını añlatmadı. Tek Mariupol garnizonınıñ arbiyleri 82 kün devamında «duşmannıñ büyük küçlerini özüne çekti», dep ayttı. Ve «yüksek arbiy komandanlıqnıñ» «tasdıqlanğan qararını» yerine ketireler, dep qayd etti.
Prezident Volodımır Zelenskıy Ukrayina Mariupolniñ blokunı cenk yolunen toqtatamay, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
