«Azov» mahsus bölük brigadası cebege qayttı. Bu aqta Ukrayına Milliy gvardiyasınıñ vekili Mıkola Urşalovıç brifingde ayttı.
Onıñ bildirgenine köre, şimdi «Azov» Lısıçansktan şimal-ğarpta Serebrânsk orman müdirligini imaye ete.
2022 senesi baarde «Azov» polu Mariupoldeki «Azovstal» zavodını aman-aman eki ay devamında mudafaa etti. Mayısta «Azovstal» imayecileri komandanlıq emrinen zavoddan çıqtı. Rusiye arbiyleriniñ esirligine biñden çoq Ukrayına askeri tüşti, büyük qısmı «Azov» polkunda hızmet etti.
Rusiye işğal etken Donetsk vilâyeti qısmınıñ akimiyeti esir alınğan «Azov» arbiylerini açıq mahkemege oğratacaq edi. Lâkin bıltır sentâbr ayından başlap «Azovnıñ» 300-den çoq arbiyi Ukrayınağa esirlerni deñişüv çerçivesinde qaytarıldı. Olarnıñ arasında – altbolük komandanı Denis Prokopenko ve muavini Svâtoslav Palamar olğan komandanlıq. Berilgen malümatqa köre, Ukrayına «Oppozitsionnaya platforma – Za jizn» Ukrayına firqasınıñ liderlerinden biri Viktor Medvedçuknı Rusiyege berdi. Ukrayınada Medvedçuv devlet hainliginde qabaatlanıp apiste tutulğan edi.
Azat etilgen soñ Türkiyede bulunğan «Azovnıñ» beş komandanı – Denis Prokopenko, Svâtoslav Palamar, Sergey Volınskiy, Oleg Homenko, Denis Şlega iyülniñ başında Ukrayınağa qayttı. Moskva Ankara ve Kyivni añlaşma bozğanlarında qabaatladı. «Azov» komandanları Ukrayınada cenk bitkenine qadar Türkiyede qalmaq kerek ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
