Rusiye mahkemesi mahküm etken qırımlı Aziz Ahtemov Krasnoyarskteki SİZO-1-ne avuştırıldı, dep ayttı apayı Adile Ahtemova.
Sentâbrniñ 17-nde Ahtemov Yeniseysk apishanesinden belli olmağan yerge alıp ketirildi. Oktâbrniñ 2-ne qadar bulunğan yeri belli degil edi.
Aziz tuvğanlarına mektüp yazıp, aş vaziyeti pek zor, dep tarif etti. Aşlardan tek çay qaldı. Qırımlığa şahsiy esabı açılsa, özüne aş sımarlap olur, dep tarif etti.
«Bu mektüp yazılğanından eki afta keçti. Aziz T-2 Yeniseyskten çıqarılğanda aqayıma SİZO-1 Krasnoyarskqa mektüp yazdım. Lâkin alıcı endi ketti, dep cevap bergenler. Aziz tuvğanları, yaqınları ve tanışlarına selâm ayta, er kesni sağına», – dep tarif etti Adile Ahtemova.
2022 senesi sentâbrniñ 21-nde Rusiye kontrolindeki Qırımnıñ Yuqarı mahkemesi Asan Ahtemov 15 yıl sert rejimli koloniyada qalmasına üküm etildi. Oña 500 biñ ruble para cezası berildi ve 1 yıl qadar azatlığı sıñırlandı. Aziz Ahtemov 13 yıl sert rejimli koloniyada qalmasına üküm etildi. Oña da 500 biñ ruble para cezası berildi ve azatlığı 1 yılğa sıñırlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
