Sentâbrniñ 4-nde gece qırımtatarı Aziz Ahtemovnıñ evinde tintüv keçirildi. Ömür arqadaşı Adile Ahtemovanıñ aytqanına köre, FSB hadimleri kelip, Anğara köyündeki gaz borusında olğan patlav sebebinden Aziz Ahtemov şübheli ola, dep bildirdi. «Biz raat edik, çünki ömür arqadaşımnıñ bir patlavnen alâqası yoq, Anğarağa barmay, şunıñ içün tintüv keçirsinler dep, raat-raat vesiqa imzaladıq. Tintüv vaqtında şahsiy cep telefonlarımız alındı, noutbuk ve yedek telefonlarımız baqıldı. Bala yuqlay edi, soñra cep telefonlarımıznı qaytarıp berdiler. Tintüv keçirilgen soñ, aqayım azırlanıp başladı – olar laf etecekler ve er şey yahşı olsa, onı yiberirler, dep ayttılar. Ne tarafqa, qayda alıp ketkenlerini, kim olğanlarını aytmadılar, yani bu bir tutuv olsa edi, olar şaatlarnen kelir edi. Bunı ciddiy bir hata dep sayam, bu tutuv degil, insan hırsızlanuvı ola», – dedi Aziz Ahtemovnıñ apayı. Ertesi künniñ gecesine qadar ne Adile, ne de diger qoranta azaları Azizniñ bulunğan yerini bilmey edi. Daa soñra peyda olğan malümatqa köre, Meclis reisiniñ muavini Nariman Celâl ve Azizniñ üç doğmuş ağası Asan Ahtemov da tutuldı.
«Bir malümat yoq edi». Apiske alınğan Aziz Ahtemovnıñ qorantası nasıl yaşay (video)
Sentâbrniñ 4-nde gece qırımtatarı Aziz Ahtemovnıñ evinde tintüv keçirildi. Ömür arqadaşı Adile Ahtemovanıñ aytqanına köre, FSB hadimleri kelip, Anğara köyündeki gaz borusında olğan patlav sebebinden Aziz Ahtemov şübheli ola, dep bildirdi. «Biz raat edik, çünki ömür arqadaşımnıñ bir patlavnen alâqası yoq, Anğarağa barmay, şunıñ içün tintüv keçirsinler dep, raat-raat vesiqa imzaladıq. Tintüv vaqtında şahsiy cep telefonlarımız alındı, noutbuk ve yedek telefonlarımız baqıldı. Bala yuqlay edi, soñra cep telefonlarımıznı qaytarıp berdiler. Tintüv keçirilgen soñ, aqayım azırlanıp başladı – olar laf etecekler ve er şey yahşı olsa, onı yiberirler, dep ayttılar. Ne tarafqa, qayda alıp ketkenlerini, kim olğanlarını aytmadılar, yani bu bir tutuv olsa edi, olar şaatlarnen kelir edi. Bunı ciddiy bir hata dep sayam, bu tutuv degil, insan hırsızlanuvı ola», – dedi Aziz Ahtemovnıñ apayı. Ertesi künniñ gecesine qadar ne Adile, ne de diger qoranta azaları Azizniñ bulunğan yerini bilmey edi. Daa soñra peyda olğan malümatqa köre, Meclis reisiniñ muavini Nariman Celâl ve Azizniñ üç doğmuş ağası Asan Ahtemov da tutuldı. 2021 senesi sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Aralarında qırımtatar siyasetçisi ve faali Nariman Celâl bar da bar. Sentâbrniñ 6-nda Qırımda dört kişi apiske alındı: üç doğmuş qardaşlar Aziz ve Asan Ahtemovlar, Azizniñ babası Eskender Ahtemov ve Asannıñ qardaşı Arsen Ahtemov. Kreml kontrolindeki Aqmescitniñ Kiyev rayon mahkemesi qırımtatar siyasetçisi ve faali Nariman Celâlovnı eki ayğa – noyabrniñ 4-ne qadar apiske aldı. Nariman Celâl qabaatlı olğanını inkâr ete.