Onıñ qayd etkenine köre, apishanege telefon etip, malümat alacaq edi, amma cevap bermeyler.
«Azizni qayda alıp ketkenlerini ögrenmek içün yollağan elektron mektübime malümat bermege razı olmadılar, üçünci şahıslarğa bu malümat berilmey, dep cevap berildi. Al-azırda aqayım qayda ve qayda alıp keteler haberim yoq», – dep bildirdi Ahtemova.
Aynı vaqıtta Celâl Azizniñ apishane müddeti yekünlendi ve onı sert rejimli koloniyağa yollamaq kerek ediler, dep qayd etti.
«Amma tuvğanlarına haber bile etilmedi. Olacaq yerini endi aytmayım», – dep qayd etti Celâl.
2022 senesi sentâbrniñ 21-nde Rusiye kontrolindeki Qırımnıñ Yuqarı mahkemesi Asan Ahtemov 15 yıl sert rejimli koloniyada qalmasına üküm etildi. Oña 500 biñ ruble para cezası berildi ve 1 yıl qadar azatlığı sıñırlandı. Aziz Ahtemov 13 yıl sert rejimli koloniyada qalmasına üküm etildi. Oña da 500 biñ ruble para cezası berildi ve azatlığı 1 yılğa sıñırlandı.
Oktâbrniñ 2-nde ağa-qardaş Ahtemovlar Aqmescitteki SİZO-2-den alındı ve Rusiye apishanelerine etap etildi.
2023 senesi noyabr ayında Aziz Ahtemov Qırımdan Krasnoyarsk ülkesiniñ Yeniseysk şeerindeki apishanege 40 kün devamında etap etildi, cep haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
