Azatlıq Radiosınıñ reberligi ve Jurnalistlerni qorçalav komiteti Azat Avropa Radiosınıñ tatar-başqır hızmetiniñ jurnalisti Alsu Kurmaşevanı deral azt etmege çağıra. Muvafıq bildirüvni Azat Avropa Radiosınıñ prezident vazifesini icra etken Ceffri Gedmin yaptı.
"Alsu pek ürmetli zenaatdaş, sadıq apay ve eki balanıñ anası. Ailesininiñ yananı qaytıp olması içün azat etilmeli", - dep qayd etti Ceffri Gedmin.
Haber etilgeni kibi, Kurmaşeva oktâbrniñ 18-nde Qazanda yaqalandı. Rusiyede o "çetel agent" olaraq qaydiyetten keçmemekte qabaatlana, bu ise beş yıl apis cezasını köz ögünde tuta.
Belli olğanı kibi, Azatlıq Radiosınıñ tatar-başqır hızmetiniñ Pragadan jurnalistiniñ ABD ve Rusiye vatandaşlığı bar. Mayıs ayında Kurmaşeva Rusiyege "acele işinen" keldi.
İyünniñ 2-nde Qazan ava limanından Çehiyağa qaytmaq içün uçaq beklegende onı vaqtınca yaqalağan ediler. O zaman Amerika ve Rusiye pasportlarını tutıp alğanlar ve o Rusiyeden ketip olamağan.
Başta oña Rusiye akimiyet organlarında Amerika pasportnı qayd etmegeni içün para cezası tayin etilgen edi. Oktâbrniñ 18-nde jurnalistke yañı qabaatlav kösterildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
